Türkmenistanyň Gyzyl Ýarymaý Milli jemgyýetiniň Balkan welaýat bölüminiň Türkmenbaşy etrap şahamçasynyň gurnamagynda jemgyýetiň esas goýujy ýörelgelerinden ugur alyp şahamçanyň meýletinçileriniň we edara-kärhanalaryň işgarleriniň arasynda  “Türkmenistanyň Gyzyl Ýarymaý Milli Jemgyýetiniň 99 ýyllygyny dabaraly  bellemek  we TGÝMJ –niň abraýyny  ýokarlandyrmak, ýylyň dowamynda meýletinçileriň eden ynsanperwerlik işlerine syn bermek” ady bilen dabaraly ýygnak geçirildi. Ýygnagyň dowamynda  etrap hakimliginden, orta  we sport mekdeplerinden ýygnaga gatnaşan myhmanlara, meýletinçilere Gyzyl Ýarymaý Milli jemgyýetiň alyp barýan ynsanperwerlik işlerinde özlerin-de galdyran tasirlerini, ýürek buýsançlaryny aýtmak üçin uly hormat bilen söz berildi. Çykyş edenler: Gyzyl Ýarymaý Milli jemgyýetiniň ynsanperwer hereketleri, Adatdan daşary ýagdaýlarda, lukmandan deslapky ilkinji kömegi bermegiň endiklerini owrenmek meýletinçilerde işlemäge, okamaga has-da höwesini artdyýar diýip uly buýsanç bilen belläp geçdiler. Gahryman Arkadagymyzyň alyp barýan ynsanperwer ýörelgelerinden ugur alyp, Gyzyl Ýarymaý jemgyýetiň ýörelgeleri esasynda alnyp barylýan bu ägirt uly işler geljekde meýletinçileriň we okuwçylaryň Gyzyl Ýarymaý Milli Jemgyýetiniň işine ýardam bermeklerine we meýletinçi bolmaklyga höwes döreder diýip  aýtdylar. Türkmenistanyň Gyzyl Ýarymaý Milli jemgyýetiniň Balkan welaýat bölüminiň Türkmenbaşy etrap şahamçasy tarapyndan  geçirilen çärelere we ynsanperwerlik işlerine  syn berilip, işjeň gatnaşan 20 (ýigrimi) sany meýletinçilere  şatlyk paỳlamak, gőwünlerini galkyndyrmak maksatly Gyzyl Ýarymaý Milli jemgyýetiniň Türkmenbaşy etrap şahamçasy tarapyndan höweslendiriji sowgatlar we hormat hatlary gowşuryldy. Hormat hatlaryny we ýadygärlik sowgatlaryny alan meýletinçi: Hudaýberdiýewa Aýsoltan öz ýürek buýsanjyny goşgy setirleriniň usti bilen beýan etdi.

“Gyzyl Ýarymaýym ýaşa sen  ýaşa”

Gyzyl Ýarymaýym goldaw berýär adama,

Ýagşylygyň alamatyn aňlap dur.

Ýagşy niýet köňli arassa adam,

Meýletinlik bilen ony goldap dur.

Jemgyýetim sapak bolup ynsana,

 Görelde görkezýär bütin ilime.

Döwrüň Bitaraplyk yolun ýöredýän,

Ynsanyň kalbynda söýgi döredýäň.

Ynsanperwer yoly bilen barýarys arşa,

 Geljegimiz nurlanýar, alýarys sylag-sarpa.

 Meýletinler Sizi alkyşlap ýürekler joşa,

Gyzyl Ýarymaýym ýaşa sen ýaşa.