Meýletinçilik işi- bu öz islegiňe baglylygy bilen düşündirilip,  hiç bir jähtden   peýda gazanmaklykdan ugur alýan däldir. Çünki Gyzyl Haç we Gyzyl Ýarymaý Halkara hereketi meýletin döredi we diňe kömek bermeklige gönükdirilendir. Biz hem Türkmenistanyň Gyzyl Ýarymaý Milli jemgyýetiniň Lebap welaýat bölüminiň meýletinçileriniň hatarynda bolmak bilen buýsanç bilen ynsanperwerlik kömegini bermekde, umumyadamzat we ynsanperwerlik gymmatlyklaryny wagyz etmekde, Gyzyl Haç we Gyzyl Ýarymaý Halkara hereketi hakyndaky bilimleri ýaýratmakda, sagdyn durmuş ýörelgesini we keselleriň ýaýramagynyň öňüni almak boýunça çäreleri wagyz etmekde, hemaýata mätäç adamlaryň bähbidi üçin zerur serişdeleri ýygnamakda we paýlamakda, adatdan daşary ýagdaýlara taýýarlyk we lukmandan deslapky ilkinji kömegi bermegiň anyk tärleri hakynda bilimleri ýaýratmakda, şeýle-de daşky gurşawy goramak işlerini geçirmek, ýaşlaryň, ýagny deň-duşlarymyzyň sagdyn ruhly, berk bedenli, dünýä ülňülerine laýyk gelýän ylymly-bilimli şahsyýet bolup ýetişmeklerinde geçirilýän işlerden çetde durmaýarys. Şol sanda meýletinçiler üçin geçirilýän okuw sapaklaryny özleşdirip kämilleşmek ýolunda ilerleýäris. Nesip bolsa 2025-nji ýylyň maý aýynyň 8-ne Gyzyl Haç we Gyzyl Ýarymaý Halkara hereketini esaslandyran Parahatçylyk boýunça Nobel baýragynyň ilkinji eýesi Anri Dýunanyň dogulan güni we hereketiň bütindünýä döredilen güni bellenip geçiler. Biz meýletinçiler ýurdumyzyň il-ýurt bähbitli işleriniň kiçijek ýardamçylary bolmak bilen halkymyzyň bagtyýarlygy, nesillerimiziň hemmetaraplaýyn sagdyn ýetişmekleri üçin yzygiderli uly aladalary edýän lukman Arkadagymyzyň we peder ýoluny üstünlikli dowam etdirýän Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli tutumly işleri rowaçlyga beslensin!