Ýurdumyzda Milli Liderimiz Gahryman Arkadagymyz, Arkadagly Gahryman Serdarymyzyň başda durmagynda howanyň üýtgemegi netijesinde ekologiýany arassa saklamak ugrunda giň-gerimli zerur işler durmuşa ornaşdyrylýar. Muňa baglylykda Arkadagly Gahryman Serdarymyzyň pähimli sözlerinden ugur alyp, Türkmenistanyň Gyzyl Ýarymaý Milli jemgyýeti hem meýilnama laýyklykda dürli ulgamlardaky wekilleriň gatnaşmagynda ýerlerde derwaýys çäreleri geçirýär. Parahat ýurdumyzda halkymyzyň howpsuz, arkaýyn durmuşyň lezzetini duýup, erkana ýaşamaklaryny gazanmakda Gyzyl Ýarymaý Milli jemgyýetiniň çäklerinde 2025-nji ýylyň 28-nji aprelde " Bütindünýä Zähmeti goramak güni" gününe bagyşlanyp Türkmenistanyň Gyzyl Ýarymaý Milli jemgyýetiniň Lebap welaýat bölüminiň mejlisler otagynda meýletinçileriň we işgärleriň gatnaşmagynda “Ýer titremesi wagtynda özüni alyp baryş düzgünleri, betbagtçylyk bolan ýerinden ewakuasiýa” atly okuw çäresi geçirildi. Okuw maslahatynda adamzat ýaşaýşynda ýüze çykyp biläýjek adatdan daşary ýagdaýlarda, çagalaryň zerurlyklaryny, gender meselelerini we durmuş ýagdaýlaryny göz öňünde tutmak arkaly taýýarlykly bolmagyny gazanmak babatynda täsirli çykyşlar diňlenilip, usuly tejribeler alyşyldy. Adatdan daşary ýagdaýlara taýýarlykly bolmak, özüňi we töweregiňdäki adamlary, galyberse-de tebigaty howpdan goramak, binadan seresaply we dogry ewakuirleme amaly görnüşde okadyldy. Her bir hadysada, olara täsir etmek üçin ýerli we milli mümkinçiliklerimizi güýçlendirmegiň halkymyz we geljekki neslimiz üçin juda derwaýysdygy bellenilip geçildi. Adatdan daşary ýagdaýlara, tebigy betbagtçylyklara hem-de tehnogen hadysalara taýýarlamak, halk köpçüligini wagtynda habarly etmek, olaryň taýýarlygyny ýokarlandyrmak, şol ýagdaýlarda özüňi alyp barmaklygy we lukmandan deslapky ilkinji kömegi bermekligiň düzgünlerini öwretmek halkymyzyň röwşen gelejegi üçin bähbitlidir. Okuw maslahatynyň soňunda diňleýjilere ata-babalarymyzyň ynsanperwerlik ýörelgelerine eýerip, geçirilen okuw usuly maslahatlary, Garaşsyz Watanymyzda halkymyzyň arassa daşky gurşawda ýaşamagy ugrunda durmuşa geçirilýän düýpli özgertmeleri ýerlerde wagyz etmek ündeldi.
