Türkmen halkynyň toýlary goşa-goşadan gelýär. Ahalteke bedewiniň toýunyň toýlanýan günlerinde, Türkmenistanyň Gyzyl Ýarymaý Milli Jemgyýetiniň Ahal welaýat bölümininiň ADÝD boýunça bölümçesiniň müdiri bilen Ak bugdaý etrap wekili hem, Ak bugdaý etrabynyň 27-nji orta mekdebinde wagyz-nesihat çäresini geçirdi. Mekdep okuwçylary bilen bilelikde geçirilen wagyz-nesihat çäresi öziniň täsirligi bilen okuwçylarda Bedewe bolan söýgi döretdi.
Bedewlerimiz baradaky pikirlerimizi lukmançylyk ylymy bilen baglanyşdyrsak: adam atyň üstüne münende ýurek-damar ulgamynyň işini kadalaşdyrýar. Bedeniň kislorod üpjünçiligi gowylanýar. Bu bolsa ýürek-damar keseliniň öňüni alýar. Arassa howada atly gezelençden soň adamyň şähdi açylyp, ruhubelent bolýar.
Wagyz-nesihat çäräniň dowamynda mekdep okuwçylarynyň öz elleri bilen çeken suratlary hem ýaýbaňlandyryldy. Olaryň Behişdi bedewlere bolan buýsançlarynyň üstini ýetirdi.
Il – halkymyza hemişe ýaran bolan behişdi bedewlerimiz taryhda durnukly ösüşde hem-de öz ornuňy berkitmekde derwaýys bolan iň gowy häsýetleriň hem-de merdanalygyň nusgasydyr. Hut şonuň üçinem biz bedewlerimizi ösüşiň hem-de bagtyň alamaty hasap edýäris. Bedew baradaky düşünje biziň durmuşymyzda düýpli orun alandyr.
Bedew---ösüşlere ýetmegiň nusgasy, bizi beýik üstünliklere telwaslandyrýan uly güýçdir. Eziz Watanymyz bedew bady bilen öňe barýar, bu eziz Watan bedew ruhy bilen beýik menzilleri eýeleýär.
Türkmen halkyny Beýik ösüşlere alyp barýan, Gahryman Arkadagymyzyň, Arkadagly Gahryman Serdarymyzyň janlary sag, Belent başlary aman bolsun.
