Çagalaryň oňat dynç almagy, wagytlaryny şadyýan geçirmekligi, birek – birek bilen dostlaşmagy, dürli ugurlardan öz ukybyny, zehinini artdyrmagy üçin ähli amatlyklar döredilendir. Hormatly Prezidentimiziň “Ynsan saglygy, bahasyz gymmatlykdyr” diýen dana sözlerinden ugur alyp Berkarar döwletimiziň bagtyýarlyk döwründe Türkmenistanyň Gyzyl Ýarymaý Milli Jemgyýetiniň Ahal welaýat bölümi, Ahal welaýat Polisiýa Müdirliginiň polisiýa ýol gözegçilik bölümi bilen bilelikde, wagyz-nesihat çäreleri geçirilýär. Hormatly Prezidentimiziň Çagalar biziň gelejegimizdir diýip bellemegi bilen, olaryň wagtynyň gyzykly, täsirli geçmegi hem peýdaly guralmagy barada öňde goýýan wezipelerine jogap edip, Ahal welaýat derejesinde geçirilen ,,Ýol hereketiniň ýaş gözegçileri” ady bilen sportuň tigir sürmek, nyzama durmak,Ýol hadysasynda gabat gelýän heläkçilige uçran adamlara “Lukmandan deslapky ilkinji kömek” bermekligiň kadalaryny, gan akmalar, şikeslenmeler, ýanyklar we huşsyz ýagdaýynda ilkinji kömek bermegiň endikleri boýunça bäsleşikler geçirildi.

      Bäsleşigiň netijesinde Ahal welaýatynyň Tejen etrabynyň ýörüteleşdirilen mekdebiniň başarnykly ýaş gözegçileri Baş baýraga mynasyp boldular. Ahal welaýatynyň Babadaýhan etrabynyň 17-nji orta mekdebiniň ýaş gösegçileri 1-nji orna, Sarahs etrabynyň  okuwçylary  II-nji orna, Ak bugdaý etrabynyň mekdep okuwçylary III-nji orna mynasyp boldular. Taýýarlanan Baş bayraklar we hormat hatlar gowşuryldy. Ýurdumyzy bagtyýar çagalygyň ajaýyp mekanyna öwren Arkadagly Serdar Prezidentimize mundan beýläk-de janynyň sag, tutýan il-ýurt bähbitli  işleriniň rowaç bolmagyny  arzuw edýäris.