2025-nji ýylyň 8-nji maýynda Türkmenistanyň Daşary işler ministrliginiň Halkara gatnaşyklary institutynda “Halkara ynsanperwerlik hukugy – parahatçylygyň goragy” atly çäre geçirildi. Bu çäräniň bu senede geçirilmegi Gyzyl Haç we Gyzyl Ýarymaý Halkara hereketiniň güni we onuň esaslandyryjysy Anri Dýunanyň doglan güni bilen bagly boldy. Çärä institutda bilim alýan talyplar hem-de magistrantlar gatnaşdy.
Çäräniň maksady – talyp ýaşlaryň halkara ynsanperwerlik hukugy baradaky düşünjelerini giňeltmek, bu ugurda alnyp barylýan halkara tagallalaryň ähmiýeti barada maglumat bermek, şeýle hem parahatçylygy we ynsanperwerlik diplomatiýasyny wagyz etmekden ybarat boldy.
Çäräniň dowamynda çykyş edenler halkara ynsanperwerlik hukugynyň taryhy ösüşi, onuň halkara gatnaşyklaryndaky orny, häzirki zaman dünýä syýasatynda bu hukugyň ähmiýeti hem-de Gyzyl Haç we Gyzyl Ýarymaý Halkara hereketiniň ýedi ýörelgesi barada giňişleýin maglumat berdiler. Çäräniň dowamynda Gyzyl Haç we Gyzyl Ýarymaý jemgyýetleriniň Halkara Federasiýanyň wekiliniň onlaýn görnüşinde gatnaşmagy we onuň ynsanperwerlik diplomatiýasy barada beren gyzykly gürrüňleri gatnaşyjylarda örän gyzykly täsir galdyrdy.
Çäräniň dowamynda talyplar we magistrantlar üçin gyzykly soraglar we oýunlar gurnaldy. Bu bolsa çärä gatnaşyjylaryň gyzyklanmasyny has-da artdyrdy. Şeýle çäreler ýaşlaryň halkara hukuk ulgamyndaky düşünjelerini has-da çuňlaşdyrmaga hem-de olary tejribeli diplomatik kadalara öwrenmäge mümkinçilik berýär.
Çäre gatnaşyjylaryň arasynda gyzykly pikir alyşmalar bilen dowam etdi we ýaşlaryň bu ugurdaky işjeňligi ýokary baha mynasyp boldy.
