Ýurdumyzda “Halkara parahatçylyk we ynanyşmak ýyly” halkara derejesindäki çäreleriň sany barha artýar. Lebap welaýat häkimliginiň, Lebap welaýat kitaphanasynyň we Türkmenabatdaky Amerikan burçunyň goldaw bermeginde 2025-nji ýylyň fewral aýynyň 15-ne welaýat kitaphanasynda Halkara derejesinde Hünärleriň sergi-ýarmarkasy geçirildi. Türkmenabadyň S.A.Nyýazow adyndaky himiýa zawodynyň, Türkmenistanyň Gyzyl Ýarymaý Milli jemgyýetiniň welaýat bölüminiň, Seýitnazar Seýdi adyndaky Türkmen döwlet mugallymçylyk institutynyň, Türkmenabat lukmançylyk orta okuw mekdebiniň, Beýik Eýýam bilim merkeziniň, Dana bilim merkeziniň, Zehin ýoly dil we döredijilik merkeziniň şeýle-de Türkmenabatdaky Amerikan burçunyň gatnaşyjylara hödürlän sergi stendleri örän täsirlidi.Her bir ugur boýunça tanyşlyk berdi we ussatlyk bilen öz başarnyklary bilen bäsleşdiler. Dabaranyň myhmanlary we gatnaşyjylary halkyň ýaşaýyş şertleriniň has-da kämil bolmagynda halkara dostlukly gatnaşyklary ýygjamlaşdyryp, başarnyklary gaýgyrman ylmyň täze gazananlaryny durmuşa ornaşdyrmakda, okamaga, döretmäge, gurmaga ajaýyp mümkinçilikleri döredip berýän Hormatly Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzyn bolup, il-ýurt bähbitli tutýan tutumlarynyň rowaçlyklara beslenmegini dileg etdiler.
