2025-nji ýylyň — Halkara parahatçylyk we ynanyşmak ýylynyň bosagasynda hormatly Prezidentimiz Serdar Berdimuhamedowyň “Magtymguly — dünýäniň akyldary” atly kitabynyň çapdan çykmagy ähli halkymyz we giň okyjylar köpçüligi üçin bahasyna ýetip bolmajak ajaýyp baýramçylyk sowgady boldy.2025-nji ýylyň ýanwar aýynyň 21-ne Türkmenistanyň Gyzyl Ýarymaý Milli jemgyýetiniň Merkezi edarasynyň Mejlisler zalynda Edebiýat we sungat gazetiniň bölüm redaktory Süleýman Ilamanowyň, Türkmenistanyň Prezidentiniň ýanyndaky Döwlet gulluk akademiýasynyň mugallymy şahyr Gülşirin Hanowanyň, Ak bugdaý etrabynyň 27-nji orta mekdebiniň mugallymy Kümüş Begiýewanyň jemgyýetiň meýletinçileriniň we Ahal welaýat bölüminiň işgärleriniň gatnaşmagynda täze kitabyň tanyşdyryş dabarasy body. Jemgyýetiň hünärmenleri Türkmenistanyň Halkara parahatçylyk we ynanyşmak ýylynyň dowamyndaky işleriniň we ileri tutýan ugurlarynyň Konsepsiýasy barada hem-de TGÝMJ-iň öňünde goýan meýilnamasy barada aýdyp geçdiler.
Tanyşdyrylyş dabarasyna gatnaşyjylaryň çykyşlarynda, ilki bilen, şeýle ajaýyp kitaby sowgat edendigi üçin hormatly Prezidentimiz Serdar Berdimuhamedowa tüýs ýürekden hoşallyk we alkyş sözleri aýdyldy hem-de döwlet Baştutanymyzyň eserleriniň höwrüniň köp, galamynyň ýiti bolmagy arzuw edildi.
=
