Hormatly Prezidentimiziň Permany bilen 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparynyň mejlisinde Gahryman Arkadagymyzyň öňde goýan wezipelerini ýerine ýetirmek maksady bilen, Türkmenistanyň Mejlisiniň, syýasy partiýalaryň we jemgyýetçilik birleşikleriniň, gazet-žurnallaryň wekillerinden düzülen toparyň Ahal welaýatyna iş saparynyň çäklerinde şu ýylyň 15-16-njy ýanwarynda wagyz-nesihat duşuşyklary geçirildi.
Şeýle duşuşyklar dürli pudaklarda zähmet çekýän watandaşlarymyzyň, Mejlisiň deputatlarynyň, ýaşuly nesliň, häkimlikleriň wekilleriniň, welaýat, etrap, şäher halk maslahatlarynyň we Geňeşleriň agzalarynyň, ýaşlaryň gatnaşmagynda Tejen etrap häkimliginde, Kaka etrabynda, Babadaýhan etrabynyň Babadaýhan dokma toplumynda, Sarahs etrabynyň Bereket obasynda ýerleşýän 27-nji orta mekdepde geçirildi. Jemi 2020 den gowrak adam gatnaşdy. Duşuşyklardaky çykyşlarda 2025-nji ýylyň «Halkara parahatçylyk we ynanyşmak ýyly» diýlip yglan edilmeginiň we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça ýerine ýetirilmeli işleriň halkara gatnaşyklarda döwletimiziň hemişelik Bitaraplyk hukuk ýagdaýynyň ähmiýetini has-da ýokarlandyrjakdygyna ynam bildirildi. Türkmenistanyň Gyzyl Ýarymaý Milli jemgyýeti ýurdumyzyň baýry ynsanperwer jemgyýetçilik guramalarynyň biri bolmak bilen, raýatlaryň durmuş goraglylygyny üpjün etmek, ilatyň saglygyny goramak, ilaty adatdan daşary ýagdaýda özüňi alyp barmagynyň düzgünlerini öwrenmek, ýaş nesili türkmen halkynyň rehimlilik, duýgudaşlyk we ýakynyňa kömek goluny uzatmak ýaly iň gowy däpleriň ruhynda terbiýelemek ýaly ugurlarda, döwletimiziň kömekçisi hökmünde uly işler geçirilýär. Milli jemgyýet öz asylly ynsanperwer wezipesini ýerine ýetirmek, bilen Gyzyl Haç we Gyzyl Ýarymaý Hereketinde biziň ýurdumyza mynasyp wekilçilik edýär. Haýyr- sahawatyň, ynsanperwerligiň we adamkärçiligiň beýik nusgasyny görkezip, il bähbitli ýurt ähmiýetli tutumly işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak we işleriniň rowaç bolmagyny arzuw edýäris.
