BAŞ SAHYPA

Halkara okuwyna gatnaşmak

        2017-nji ýylyň 30-njy we 31-nji iýul aralygynda TGÝMJ-niň “Milli jemgyýetiň ynsanperwerlik işinde kömekçi wezipesini goldamak” taslamasynyň utgaşdyryjysy Mollaýew Guwanç we TGÝMJ-niň “DIPECHO IX” taslamasynyň utgaşdyryjysy Parahadow Serdar Täjigistan Respublikasynyň Sogdiýsk oblastynyň Gulistan şäherinde, Halkara Gyzyl Haç Komitetiniň gurnamagynda “Has howpsuz elýeterlik” mowzugy boýunça geçirilen sebitleýin okuw çäresine gatnaşdylar. Gyzyl Haç we Gyzyl Ýarymaý jemgyýetlerniň işgärleri we meýletinçileri üçin parahatçylyk döwründe we ýaragly çaknaşyklar döwründe özlerini alyp barmagyň we parahat ilata ynsanperwerlik kömegini bermegiň düzgünleri boýunça, mundan başga-da Gyzyl Haç we Gyzyl Ýarymaý nyşanlaryny peýdalanmak we goramak barada okuw sapaklary geçirildi. Okuw sapagynyň jeminde gurnaýjylar, TGÝMJ-niň işgärlerine okuw sapagyna erjel gatnaşandyklary üçin öz minnetdarlyklaryny bildirdiler.

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
Yanwar 2025
Du Si Ca Pe An Se Ye
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
16253882
Şu gün
Düýn
Şu aý
Geçen aý
Hemme günler
11492
13299
127578
476699
16253882
Siziň IP: 13.58.92.2
2025-01-09