10-14-nji mart aralygynda Ýewropa we Merkezi Aziýa sebitleriniň Gyzyl Haç we Gyzyl Ýarymaý Halkara Federasiýasynyň wekilleri Türkmenistana resmi iş sapar bilen geldiler. Iş saparynyň esasy maksady ynsanperwer hyzmatdaşlygyň meselelerini ara alyp maslahatlaşmakdan, tejribe alyşmakdan we çykgynsyz ýagdaýa düşen ýagdaýlara jogap bermek, ilaty sosial taýdan goldamak we howanyň üýtgemegine uýgunlaşmak ulgamynda hyzmatdaşlygy pugtalandyrmakdan ybarat boldy. GHGÝHF-nyň wekilleri Türkmenistanyň Gyzyl Ýarymaý Milli Jemgyýetiniň ilatyň mätäçlerine kömek we goldaw bermek, gyssagly taýýarlyk ýagdaýyny gowulandyrmak we meýilleşdiriş hereketini ösdürmek maksady bilen alyp barýan işine ýokary baha berdi. Saparyň çäklerinde olar dürli ministrlikleriň we pudaklaýyn dolandyryş edaralaryň halkara guramalaryň wekilleri bilen duşuşyklary geçirdiler.
