BAŞ SAHYPA

14.10.2024: Lukmandan deslapky ilkinji kömek bermekligiň endiklerini öwrenmek.

TGÝMJ-iň lukmandan deslapky ilkinji  kömek  endiklerini öwretmek  boýunça  hünärmenleri Aşgabat şäherinde German halkara hyzmatdaşlygy jemgyýetiniň Türkmenistandaky wekilhanasynyň işgärleri üçin lukmandan deslapky ilkinji amaly endikleri  özleşdirmek boýunça iki  günlik okuw  kursyny  geçirdiler. Okuw kursuna gatnaşanlar adatdan daşary ýagdaýlarda edilmeli hereketleri, lukman gelmezden  öň kömek bermek çäreleriň yzygiderligi barada giňişleýin  maglumat aldylar. Kompaniýanyň işgärleri ilkinji kömegi bermekligiň amaly endikleri boýunça taýýarlanyldy. Okuw kursynyň soňynda gatnaşyjylar bilimlerini  berkitmek we amaly  endikleri almak üçin maglumat kitapçalaryny aldylar.  

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
14986856
Şu gün
Düýn
Şu aý
Geçen aý
Hemme günler
8882
20197
377310
508799
14986856
Siziň IP: 3.128.95.108
2024-10-19