Ekologiýany goldamak we berkitmek maksady bilen geçirilýän çäreler, Türkmenistanyň Gyzyl Ýarymaý Milli jemgyýetiniň meýletinçileriniň işiniň aýrylmaz bölegidir. 2025-nji ýylyň 11-nji fewralynda “Jeýhun” meýletinçiler merkeziniň agzalary ekologiýa çäresine işjeň gatnaşdylar. Olar ýabany otlary arassalamak üçin ýantorbalary alyp işe girişdiler, ilki bilen töweregi arassaladylar we diňe şondan soň agaç nahallaryny oturtmaga başladylar. Meýletinçileriň tagallalary bilen jemi 60 sany agaç nahaly (miweli we ýaprakly) ekildi, bu bolsa sebitimiziň we ýurdumyzyň geljekdäki ekologiýasyna uly goşant boldy. Çärä gatnaşanlaryň käbiri üçin bu waka olaryň durmuşynda ilkinji gezek agaç ekmek tejribesi boldy, olar sowuk fewral howasyna garamazdan uly höwes bilen işe girişdiler. Olar ýadaw bolsalar-da, bu wezipäni ýerine ýetirenlerine hoşaldylar.

Bir akyldaryň, kime degişlidigi belli bolmadyk, şu sözleri bardyr: «Her bir adam agaç ekmeli, öý gurmaly we ogul ösdürmeli.» Çärä gatnaşanlaryň köpüsi bu möhüm üç ädimiň birini eýýäm durmuşa geçirdiler. Her ekilen agaç diňe bir olaryň zähmetiniň nyşany bolman, eýsem, umumy maksada goşant hem bolup durýar. Agaçlar howanyň üýtgemegi bilen göreşde, biologik dürlüligi goldamakda we dem alýan howamyzyň hilini gowulandyrmakda möhüm rol oýnaýar.

Şeýlelik bilen, meýletinçiler diňe bir agaç ekmegiň ähmiýetini öwrenmek bilen çäklenmän, eýsem, özleri we daş-töweregindäki dünýä üçin has arassa we sagdyn geljegi döretmek ugrunda ädim ätdiler. Bu tejribe ruhlandyryjy bolup, geljekde has köp ekologiýa başlangyçlarynyň döremegine umyt baglaýarys!