2024-nji ýylyň 13-14-nji noýabrynda Aşgabat şäherinde ýerleşýän “Iş nokady” işewürlik merkezinde TGÝMJ işgärleri üçin Halkara Gyzyl Ýarymaý we Gyzyl Haç Komitetiniň gurnamagynda Täjigistan respublikasyndan gelen Murotjan Soliýew we Rano Kamalowanyň alyp barmagynda Adatdan daşary ýagdaýlarda “Maşgala gatnaşyklaryny dikeltmek” barada iki günlik okuw maslahaty geçirildi. Okuw maslahatyna jemi 12 adam gatnaşdy.
Adatdan daşary ýagdaýlar sebäpli bozulan maşgala gatnaşyklaryny dikletmekde, jebir çekenler bilen iş salyşylanda etika we gizlinlik mowzuklaryny ara alyp maslahatlaşyp çagalar, ýaşulylar we maýyplar ýaly jemgyýetiň gowşak agzalary bilen iş salyşmagyň usulyýetine aýratyn üns berildi. Gatnaşyjylar garyndaşlaryny gözlemeklige haýyşnama ugratmaklygyň düzgünnamasy we bu işler babatynda maglumat dolanyşygy we hasabat ýöredilişi bilen tanyşdylar. Ilkinji psihologiki kömegi bermegiň esaslary gatnaşyjylara tanyşdyryldy. Hünärmenleriň, jebir çekenler bilen iş salyşanlarynda, öz psihologiki durnuklylygyny saklamak üçin, olara öz-özüňe kömek bermeklik babatynda teklipler berildi.
