Dowam edýän “Ýol hereketiniň howpsuzlygy-ömrümiziň rahatlygy” atly biraýlygyň çäklerinde ýol hereketiniň kadalarynyň ilatyň arasynda düşündiriş işleri hem giňden ýaýbaňlandyrylýar. Türkmenistanyň Gyzyl Ýarymaý Milli jemgyýetiniň Lebap welaýat bölüminiň Saglygy goraýyş we durmuş üpjünçilik bölüminiň hünärmenleri öz gezeginde şeýle mazmunly çäreleriň çagalar baglaryndan başlap ýokary okuw jaýlarynda, galyberse-de, edara-guramalarda, zawod-fabrikalarda yzygider geçirilýändigi, biraýlygyň derwaýyslygyna halk köpçüliginiň ünsüni çekmeklik bilen adamlaryň ýol hereketiniň kadalaryna doly eýermeklige wagyz edildi.
Her hili ýagdaýlar ýüze çykyp adamyň saglygyna şikes ýetende lukmandan deslapky ilkinji kömegi bermegiň düzgünlerini bilmeklik hem her bir raýatyň durmuşynda zerur bolup durýandygy bellenilip geçildi.
Çykyşlaryň soňunda wideo ýazgylara tomaşa edildi we lukmandan deslapky ilkinji kömegi bermegiň düzgünleri barada gollanma kitapçalar, maglumat beriji neşir önümleri paýlanyldy.
