BAŞ SAHYPA

24.07.2024: TGÝMJ-niň Daşoguz welaýat bölümi tarapyndan “Bagtyýar nesil” çagalar sagaldyş we dynç alyş merkezinde “Ýaş zehinler” ady bilen geçirilen çäresi

TGÝMJ-niň Daşoguz welaýat bölüminiň “Zehin” ýaşlar merkeziniň meýletinçileri 2024-nji ýylyň 24-nji iýulynda Daşoguz şäheriniň “Bagtyýar nesil” çagalar sagaldyş we dynç alyş merkezinde ýaş zehinler ady bilen çäre gurnadylar. Çagalar we ýetginjekler özlerinde  bar bolan zehinlerini ýagny, aýdym aýtmak, saz gurallarynda oýnamak, wakalary gürrüň bermek ýa-da özleriniň ýazan sahnalaryny oýnamak ýaly mümkinçiliklerini görkezmekligi halaýarlar. Bu döredijilik çärede aýdym-sazly çykyşlar boldy, olary milli lybaslarda ýaş aýdymçylar we tansçylar uly joşgun bilen ýerine ýetirdiler. TGÝMJ-niň Daşoguz welaýat bölümi tarapyndan ýaş zehinlere gowşurylan sowgatlar aýratyn täsir galdyrdy.         

 

 

 

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
15964009
Şu gün
Düýn
Şu aý
Geçen aý
Hemme günler
8261
21971
314404
430988
15964009
Siziň IP: 18.118.227.141
2024-12-21