Türkmenistanyň Gyzyl Ýarymaý Milli jemgyýetiniň (TGÝMJ) wekili Türkmenistanyň Saglygy goraýyş we derman senagaty ministrligi tarapyndan Halkara lukmançylyk işgärleriniň gününe bagyşlanyp guralan «Ilkinji APW testirleme – skriningde iň oňy hil» atly geçirilen halkara forumyna we tegelek stol maslahatyna gatnaşdy. Çäräniň dowamynda TGMJ-niň (Adam Papilloma Wirusynyň (APW) öňüni almak we keseli ir anyklamagyň ähmiýeti barada ilatyň habarlylygyny ýokarlandyrmakdaky orny barada çykyş edildi. Saglygy goraýyş boýunça bilim beriş işlerine, öňüni alyş çärelerine we her bir adamyň öz saglygyna jogapkärçilikli çemeleşmegini höweslendirmäge aýratyn üns berildi. TGÝMJ-niň hünärmenleriniň bu çärä gatnaşmagy tejribe alyşmakda, şeýle hem APW-niň öňüni almak we onuň bilen bagly keselleriň döremeginiň öňüni almak boýunça hyzmatdaşlygy pugtalandyrmaga ýardam etdi.
