BAŞ SAHYPA

04.07.2024: Türkmenistanyň Gyzyl Ýarymaý Milli Jemgyýetiniň Ahal welaýat bölümi.

Türkmenistanyň Gyzyl  Ýarymaý  Milli  Jemgyýetiniň Ahal welaýat bölüminiň işgärleri nobatdaky  ynsanperwerlik işlerini  ýerine ýetirýärler.Bu sapar 2024-nji ýylyň  iýul aýynyň  04-ne Ahal welaýatynyň “Bagtyýar nesiller”çagalar sagaldyş we dynç alyş merkezinde skuter, tigir sürmek boýunça sport çäresi geçirildi. Geçirilýän çäre ýaş çagalarda watana, ata-enelerine,özünden ulylara,maýyplara,garrylara hormat goýmak maksatlydyr. Çärede tomusky dynç alyşdaky çagalaryň  dynç alyş günleriniň manyly we gyzykly geçmegine ýardam boldy.Çagalar dabaraly ýygnanşykda şatlandylar hem-de dynç aldylar.Özara ýaryşda ilkinjilige mynasyp bolanlara Türkmenistanyň Gyzyl  Ýarymaý  Milli  Jemgyýetiniň Ahal welaýat bölüminiň sowgatlary gowşuryldy.

 

 

 

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
15209687
Şu gün
Düýn
Şu aý
Geçen aý
Hemme günler
7500
15899
600141
508799
15209687
Siziň IP: 3.137.216.227
2024-10-31