2015-nji ýylyň 28-nji awgustynda Türkmenistanyň Gyzyl Ýarymaý Milli jemgyýeti tarapyndan Ahal we Balkan welaýatlarynyň mekdep meýletinçiler toparlarynyň arasynda Ahal welaýatynyň Gökdere “Ýaşlyk” çagalar dynç alyş we sagaldyş merkezinde “DIPECHO VIII” taslamasynyň meýilnamasyna laýyklykda özara bäsleşik geçirildi. Toparlar adatdan daşary ýagdaýlarda ilkinji kömegi bermek boýunça dürli wezipeleri ýerine ýetirdiler. Bäsleşikde has tapawutlanan toparlaryň meýletinçilerine gymmat bahaly sowgatlar gowşuryldy.
