“TGÝMJ-iň guramaçylykly ösüşi” atly maksatnamasy tarapyndan gurnalan  ýatdan çykmajak on güni tomusky okuw meýdançasynyň terbiýelenijileri Türkmenistanyň Gyzyl Ýarymaý Milli jemgyýetiniň meýletinçileri bilen bilelikde geçirdiler. 2015-nji ýylyň 13-nji iýulyndan 24-nji iýulyna çenli bu ähli wagtda alada edilmäge we üns berilmäge aýratyn mätäçlik çekýän Aşgabat şäheriniň kiçi we orta mekdep ýaşly ýigrimi sany çagalary olar üçin Türkmenistanyň Gyzyl Ýarymaý Milli jemgyýetiniň meýtletinçileri tarapyndan ýörite taýýarlanylan gyzykly çärelere gatnaşdylar. Irki maşkdan soňra, Aşgabat şäheriniň meýletinçileri köçelerde özüňi alyp barmagyň düzgünleri, arassaçylyk, dogry iýmitlenmek, dünýäniň ýurtlary, keselleriň öňüni almak we beýlekiler ýaly dürli mowzuklar boýunça söhbetdeşlikleri geçirdiler. Her seminara meýletinçiler döredijilikli çemeleşdiler, täsirli plakatlary, oýunlary, tapmaçalary taýýarladylar. “Jeňňel atlandyrylýar” ady bilen sport çäresi guralyp, onda iň çalt we çalasyn oýunça adyna eýe bolan ýeňijiler kesgitlenildi. Çagalar üçin sowgatlary biziň hyzmatdaşlyrymyz USAID “Saglygyň hatyrasy üçin bilelikde” atly taslama taýýarlady.   

Meýdançada her günde “art-terapiýa” kružogy işläp, onda biziň hossarlygymyzyň astyndaky çagalar plastilinden we reňkli kagyzdan daşymyzy gurşap alýan dünýäni nähili göz öňüne getirýändiklerini, fantaziýalaryny we kreatiw dizaýnerçilik pikirlerini beýän edýän şekilleri taýýarladylar. Ondan           başga-da, meýdança maksatnamasyna paýtagtymyzda ýerleşýän “Bagtyýarlyk” sport toplumynda guralan sport ýaryşlary, şol sanda suw sport ýaryşlary, toparlaýyn oýunlar boýunça ýaryşlar girdi, “Älem” medeni-dynç alyş merkezine, “Aşgabat” kinoteatryna we “Gökdere” jülgesine tebigata gidildi.       

Tomusky lager bilen hoşlaşmak bilen, çagalar şu ýakymly, şadyýan günleri hiç wagt ýatdan çykarmajakdyklaryny hem-de olary Türkmenistanyň Gyzyl Ýarymaý jemgyýeti tarapyndan guralýan çärelere gaýtadan çagyrylmagyny meýletinçilerden haýyş etdiler.