Sport bilen meşgullanmakda halkymyza görelde, nusga bolýan Gahryman Arkadagymyzyň taýsyz tagallalary netijesinde ýurdumyzyň welaýatlarynda we paýtagtymyzda gurlup ulanylmaga berlen sport desgalarynda türgenlerimiz sportuň dürli görnüşleri bilen meşgullanyp, güýçlüleriň hatarynda barha taplanýar. Muňa mysal edip Türkmenistan ýurdumyzda geçirilen V Aziýa oýunlaryny we onuň netijelerini mysal getirip bolar. Ine biz hem öz gezegimizde TGÝMJ-niň merkezi edarasynda ýaşuly nesliň wekilleri hem-de Türkmenistanyň basketbol boýunça milli ýygyndysynyň gyzlar topary, olaryň tälimçisi bilen gyzykly duşuşyk geçirildi. Ilki bilen bu ýere ýygnananlaryň öňünde ýaşuly nesliň wekilleri çykyş edip, özlerinde uly täsir galdyran Aşgabat Aziadasy barada, türgenlerimiziň erjelligi, gözel ülkämize gelen köpsanly myhmanlaryň ýokary derejedäki guralan hyzmatlardan, myhmansöýerlikden hoşal bolandyklary hakynda uly buýsanç bilen gürrüň berdiler. Çykyş edenler türkmen alabaýynyň Wepaly diýip atlandyrylmagy biziň halkymyzyň geçmiş taryhy bilen medeni mirasynyň özboluşly sazlaşygy emele getirendigini bellediler. Türgenler hem öz gezeginde sportuň ähli görnüşleri bilen meşgullanmaga, türgenleşmäge döredilen mümkinçilikler hakynda, dünýä döwletlerinde özleriniň gazanan ýeňişleri, Aşgabat Aziadasyndaky netijeli çykyşlary barada ýygnananlara täsirli gürrüň berdiler. Soňra türgenler Ýaşulularyň halkara güni mynasybetli gutlag sözleri aýtmak bilen, bagtyýar gojalara, mährem enelere uzak ömüri, berk jan saglygyn arzuw etdiler. Ýaşulylara TGÝMJ-ti tarapyndan taýarlanan sowgatlary uly hormat bilen gowşuryldy.
Aziýa oýunlaryna gatnaşan bürinç medalyň eýesi bolan Türkmenistanyň basketbol boýunça milli ýygyndysynyň gyzlar topary öz gezeginde Hormatly Prezidentimize şeýle mümkinçilik döredip bereni üçin tüýs ýüreklerinden münnetdarlyk bildirip, Hormatly Prezidentimize işleriniň elmydama rowaçlyklara beslenmegini arzuw etdiler.
