Lukmandan deslapky ilkinji kömek (LDIK) TGÝMJ-niň guramaçylyk gurluşynda kommersiýa iş ugry bolup, ondan gelen girdejiler Jemgyýetiň beýleki wezipeleýin işlerini ýerine ýetirmäge harç edilýär. TGÝMJ-i ilkinji nobatda LDIK ilkinji kömek boýunça endikleri öwretmekligi hödürleýär, emma köplenç okuw bilen bilelikde soralýan  ilkinji kömek gutulary hem paýlanýar.

Maksady:

TGÝMJ-niň LDIK tölegli okuwlary üçin bazar gatnaşyklaryna gönükdirilen, maksatlaýyn, netijeli we professional biznes-meýilnamasyny taýýarlamak we LDIK tölegli okuwlarynyň girdejiligini artdyrmak üçin mümkinçiliklerini kesgitlemek.

Meseleler:

• LDIK tölegli okuwlarynyň netijeliligini anyklamak maksady bilen, daşky bazar jähtden elýeterli bolan maglumatlary ýygnamak,olary jemlemek we baha bermek, bolan ýetmezçiliklerini kesgitlemek.

• Ileri tutmaly iş ugurlaryny, bölümleriň goşantlary, okuw kurslarynyň görnüşini we şu günki günde okuwlaryň girdejililigini kesgitlemek üçin TGÝMJ-niň mümkinçiliklerine we şu döwürde LDIK okuwlarynyň ýola goýulyşyna baha bermeli.

• Okuwlaryň girdejililiginiň (biznesiň) netijeli bolmagy we onuň durnukly hereket etmegi üçin çäreleri teklip etmeli.

• TGÝMJ-ne LDIK üçin biznes meýilnamany düzmäge ýardam bermeli.

   

Garaşylýan netijeler:

• Geçirilen işler hakynda hasabat we  LDIK ösdürmek boýunça teklipler.

• TGÝMJ-i üçin LDIK tölegli esasynda okatmak üçin biznes-meýilnamany işläp düzmeli.

   

  Geçirilmeli wagty we hasabatlara bolan talaplar
  
  Biznes-plany taýýarlamak  boýunça işler 4-hepdäniň dowamynda geçirilmeli, analiz we hasabat -2 hepdäniň dowamynda.
  
  Hasabat türkmen we iňlis dillerinde tabşyrylmaly. 
  
  Iş döwründe we iş üçin taýýarlanan ähli resminamalar, diagrammalar we beýlekiler TGÝMJ-niň emläginde galýar. Işiň netijelerini maslahatçy TGÝMJ-niň hat üsti bilen razyçylygynyň esasynda ulanylyp bilner.  

   

  Barlagy geçirmek boýunça maslahatça bolan talaplar  

• Teklipleri şahsy maslahatçylar, maslahatçy toparlar we edaralar berip bilerler, 
• Barlag gecirmek, şöl sanda maliye derňewini, marketing we biznes-meýilnamasyny düzmekde ussat bolmaly, 
• Beýleki taslamalarda maslahatçy hökmünde iş tejribesi bolmaly;
• Türkmen we iňlis dillerinde hasabat ýazmakda ýeterlik tejribesi bolmaly.

Teklipleriň berlişine bolan talaplar

Barlagy geçirmäge isleg bildirenler indiki resminamalary tabşyrmaly.

1.     Dalaşgärler degişli barlagy geçirmekde tejribesi hakynda takyk maglumatly rezýume tabşyrmaly,

2.     Hasabatyň düzümi we her bendiniň düşündirişi,

3.     Geçiriljek barlagyň meýilnamasy (mümkin boldugyndan möhleti we ulanyljak usullary görkezilen iş meýilnamasy görnüşinde),

4.     Her bent boýunça býujet we çykdajylaryň smetasy. 

Resminamalar indiki salgylar boýunça tabşyrylyp bilner:

Adres: 744000,  Тürkmenistan, Aşgabat ş., 2022-nji köç., 116/1 jaý. Tel.: + 993 12 93 18 06, Faks:+ 993 12 93 03 49.

Elektron adres: Bu e-mail adresi istenmeyen posta engelleyicileri tarafından korunuyor. Görüntülemek için JavaScript etkinleştirilmelidir.

Barlagy geçirmäge isleg bildirenler  resminamalaryny 2015-nji ýylyň iýul aýynyň   10-njy awgusta çenli tabşyrmaly