TGÝMJ-niň Daşoguz welaýat bölüminiň hünärmenleri tarapyndan Daşoguz şäheriniň “Bagtyýar nesil” çagalar sagaldyş we dynç alyş merkezinde dynç alýan  çagalaryň arasynda suwda gark bolmagyň öňüni almaga bagyşlanan wagyz-nesihat  çäresi geçirildi.Çäräniň dowamynda hünärmenler çagalara suwda howpsuzlyk düzgünleri, suwa düşülende berjaý edilmeli esasy talaplar, açyk we ýapyk suw howuzlarynda özüňi dogry alyp barmagyň kadalary barada giňişleýin düşündiriş berdiler. Şeýle hem çagalara diňe rugsat edilen ýerlerde suwa düşmegiň, tälimçileriň we halas edijileriň görkezmelerini doly berjaý etmegiň, biri-birini howply hereketlere itermän, tertip-düzgüni saklamagyň möhümdigi aýratyn nygtaldy. Wagyz-nesihat çäresiniň maksady çagalaryň suwda bolup biljek howplar baradaky düşünjesini artdyrmak, olarda howpsuzlyk endiklerini kemala getirmek hem-de tomusky dynç alyş möwsüminde bolup biljek betbagtçylykly hadysalaryň öňüni almaga ýardam bermekden ybarat boldy.