TGÝMJ-niň Daşoguz welaýat bölümi tarapyndan Daşoguz şäherindäki «Bagtyýar nesil» çagalar sagaldyş we dynç alyş merkezinde dynç alýan çagalaryň arasynda tomus paslynda howanyň aşa gyzmagy bilen baglylykda saglygy goramak we yssy howanyň zyýanly täsirlerinden goranmak boýunça düşündiriş işleri geçirildi. Çäräniň dowamynda hünärmenler tarapyndan çagalara tomus möwsüminde gün şöhlesiniň göni täsirinden goranmagyň ähmiýeti barada giňişleýin maglumat berildi. Şeýle hem olara açyk howada bolanda saýawanlardan peýdalanmak, kellelerine şlýapa ýa-da panama geýmek, arassa agyz suwuny ýeterlik mukdarda içmek hem-de günüň has yssy sagatlarynda daşarda uzak wagtlap oýnamazlyk maslahat berildi. Geçirilen düşündiriş işleri çagalaryň tomus paslynda saglygyny goramak, howpsuzlyk düzgünlerini berjaý etmek hem-de sagdyn durmuş ýörelgelerini berkitmek maksadyna gönükdirildi.