25-nji orta mekdepde Turkmenistanyn Gyzyl Yarymaý Milli jemgyýetiniň hünärmenleriniň ýolbaşçylygynda täsirli okuw maslahaty geçirildi. Okuwy tejribeli mugallymlar, hünärmenler Muhammetgeldi Allaýarow we Birleşen Milletler Guramasynyň çagalar gaznasynyň konsultanty Ahmet Babajanow alyp bardylar.

Okuwyn maksady – Mary welaýat bilim işgarleri adatdan daşary ýagdaýlarda dogry hereket etmäge taýýarlamakdyr. Esasy wezipe mekdebi howpsuz zolaga öwürmek, ýagny   ýer titremesi ýa-da beýleki betbagtçylyklar ýüze çykanda, her bir ýetginjek ýaşlaň we çagalaryň özüni halas etmegi hem-de töwerekdäkilere kömek bermegi öwrenmegidir.

          Okuw maslahatynyň dowamynda ilkinji kömegi bermegiň esaslary we ewakuasiýa düzgünleri düşündirildi. Meýletinçiler toparlara bölünip işlediler, hereket meýilnamalaryny düzdüler we çalt karar kabul etmegi öwrendiler.

Mekdebi kämilleşdirmek üçin başlangyçlar:

Okuwyň çäklerinde meýletinçiler geljek hepdede durmuşa geçiriljek iki sany möhüm başlangyjy ara alyp maslahatlaşdylar:

• «Deň-deňe okuw» usulyýeti;
• «Ýaşyl meýdança» taslamasy.