Tomus paslynyň soňky günlerinde Daşoguz welaýatynyň çagalaryň saglygyny dikeldiş we dunç alyş merkezleriniň birinde TGÝMJ-niň Daşoguz welaýat bölüminiň hünärmenleriniň guramagynda “Ýangyn howpsuzlygyň öňüni almak” atly okuw sapagy geçirildi. Okuw sapagynyň dowamynda çagalara ýangyn ýüze çykan halatynda nähili hereket etmelidigi, özüni nädip goramalydygy we beýlekilere kömek etmek bilen birlikde, howpsuzlygy nädip üpjün etmelidigi barada düşündirildi. Şeýle hem, howply ýagdaýlarda tiz we dogry karar kabul etmegiň, ewakuasiýa ýollaryny bilmegiň hem-de şahsy gorag serişdelerinden peýdalanmagyň möhümdigi nygtaldy. Alnan bilimleri berkidip, gyzyklanma döretmek maksady bilen, çagalaryň arasynda toparlaýyn bäsleşikler geçirildi. Olar özara toparlara bölünip, howpsuzlyk düzgünleri boýunça bilimini, tiz pikirlenmek ukybyny hem-de toparlaýyn işleýiş başarnygyny görkezmekde bäsleşdiler. Bu çäre gyzykly we täsirli ýagdaýda geçdi, iň esasy bolsa — çagalaryň adatdan daşary ýagdaýlara taýýarlykly bolmagyň we seresap bolmagyň möhümdigini has gowy düşünmegine mümkinçilik döretdi.