Aslyny gadymýetden alyp gaýdýan halkymyzyň saglyga hem-de sagdyn ýaşaýşa aýratyn üns bermegi netijesinde, ata-babalarymyz nesillerimiziň arassaçylyk kadalaryna eýermeklerini, dogry iýmitlenmeklerini, bedenlerini taplap gezmeklerini gazanypdyrlar. Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda durmuşa geçirilýän işleriň düýp özeninde bu kadalaryň ýylsaýyn kämilleşip, döwrebaplaşýandygynyň gözli şaýady bolýarys. Biz hem hormatly Prezidentimiziň ýol ýörelgelerinden ugur alyp, Türkmenistanyň Gyzyl Ýarymaý Milli jemgyýetiniň Balkan welaýat bölüminiň Türkmenbaşy etrap şahamçasynyň wekili we meýletinçileri bilen bilelikde, Türkmenbaşy etrabynyň 6-njy çagalar bagynda uly topar çagalaryň arasynda sagdyn iýmitlenip sagdyn bolmagyň usullaryny berjaý etmek boýunça “Sagdyn iýmitlenmek – saglygyň girewidir” ady bilen  çagalaryň arasynda görkezme esbaplaryň, goşgylaryň, ertekileriň, sorag-jogap üsti bilen gürrüňdeşlik çäresi geçirildi. Çagalara gök we bakja önümlerini ýuwup iýmek, wagtly-wagtynda iýmitlenmek, arassaçylyk düzgünlerini berjaý etmek ýaly peýdaly maslahatlar berildi.   

TGÝMJ-niň BWB-niň Türkmenbaşy etrap şahamçasynyň wekili       G.Begmämmedowa