Türkmenistanyň Gyzyl Ýarymaý Milli jemgyýetiniň (TGÝMJ) noýabr aýynda geçiren okuw-türgenleşigi üstünlikli tamamlandy. Okuw meýilnamasy Balkan welaýatynyň Awaza zolagynda geçirildi we esasy maksady lukmandan deslapky ilkinji kömek endiklerini öwretmek boýunca  işgärleriň bilimlerini kämilleşdirmekden  ybarat boldy.

 Bu çäre TGÝMJ-niň merkezi edarasynyň we welaýat bölümleriniň ussat tälimçileriniň ýolbaşçylygynda guramaçylykly ýagdaýda amala aşyryldy. Okuw-türgenleşigi  5 gün dowam edip, oňa 23 sany  tälimçiler, gözükdirijiler we meýletinçilerden  gatnaşdylar. Maslahata Halkara Gyzyl Haç Komitetiniň wekili Muratjon Soliýew hem gatnaşyp, adatdan daşary ýagdaýlarda özüňi goramak boýunça düzgünler barada tejribelerini paýlaşdy.

Okuw  kursynyň dowamynda: okuwyň  gurluşy we  geçirilişi,  uly  adamlaryň  okadylyş  ussullary, ilkinji  ruhy  goldaw, ilkinji  kömek  bermegiň  inklýuziw usullaryny, gözükdiriji bolmagyň adimleri  barada  jikme-jik  durulyp  geçildi.   Gatnaşyjylar berlen temalary doly  açmagy   ýagny: prezentasiýa, flipçart  bilen işlemek, beýnä  hüjüm, söhbetdeşlik, oýunlar we netijeleri  jemlemek  bilen,  dürli  ugurlary  ulanyp bildiler. 

 Çäräniň dowamynda gatnaşyjylar 2024-nji ýyl üçin ilkinji kömek ugry boýunça edilýän işler barada hasabatlaryny hem berdiler. Netijede, TGÝMJ tejribeli gözükdirijileri we tälimçileri taýýarlamakda üstünlik gazandy. Şeýle çäreler geljekde jemgyýetiň işleriniň has netijeli bolmagyna ýardam berer.

Türkmenistanyň Gyzyl Ýarymaý Milli

 jemgyýetiniň  meýletiçisi                    A.Durdyýewa