TGÝMJ hünärmenleri Aşgabat şäherinde Türkmenistanda ýaşlar baradaky döwlet syýasatynyň 2021-2025-nji ýyllar üçin döwlet Maksatnamasyny we bu Maksatnamany amala aşyrmak boýunça ýerine ýetirmeli çäreleriň meýilnamasyny durmuşa geçirmek boýunça ýaşlaryň, ýetginjekleriň arasynda birnäçe temalar boýunça interaktif okuw sapaklaryny geçirip başladylar. Okuw ýylynyň 1 çärýeginde 200-den gowyrak okuwçylaryň arasynda “Lukmandan deslapky ilkinji kömeginiň endiklerini öwrenmek”, “Adatdan daşary ýagdaýlarda özüňi alyp barmagyň düzgünleri”, “Maşgala agzybirligi”, “Zyýanly endiklerden daş durmak”, “Sagdyn iýmitlenmek” ýaly okuw temalaryndan sapaklar geçirildi. TGÝMJ-iň hünärmenleri wagy-nesihat işleriniň gerimini giňeltmek boýunça birnäçe işleri meýilleşdirýär.
