BAŞ SAHYPA

15.04.2024: TGÝMJ-niň Lebap welaýatynyň Türkmenabat şäherindäki 11-nji orta mekdebinde “Lukmandan deslapky ilkinji kömek bermegiň düzgünleri” atly okuw sapagy.

TGÝMJ-niň Lebap welaýat bölüminiň “Gaýrat” ýaşlar merkeziniň meýletinçileri tarapyndan  Türkmenabat şäherindäki 11-nji orta mekdebinde ýokary synp okuwçylarynyň arasynda “Lukmandan deslapky ilkinji kömek bermegiň düzgünleri” atly tejribeli okuw sapagy geçirildi. Çäräniň dowamynda “Gaýrat” merkeziniň meýletinçileri we jemgyýetiň Lebap welaýat bölüminiň hünärmenleri bilelikde ilkinji kömek bermegiň düzgünleri hem-de durmuşda duş gelýan betbagtçylyklarda dogry berilmeli kömek barada gürrüň edildi. Gan akmalarda, keseki jisimli ýaralarda, döwüklerde, huşuny ýitirende dogry kömek bermek boýunça amaly görnüşde  okuw geçirildi.

 

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
13650627
Şu gün
Düýn
Şu aý
Geçen aý
Hemme günler
6256
18716
500505
581236
13650627
Siziň IP: 3.147.44.226
2024-07-27