2024-nji ýylyň 1-nji oktýabrynda biz Türkmenistanyň Gyzyl Ýarymaý Milli jemgyýetiniň meýletinçileri bolup  Ýaşulylar gününi bellemek we bu aýratyn günde ýatdan çykmajak pursatlary bilelikde geçirmek maksady bilen Aşgabatdaky garrylar öýüne baryp gördük.       Her meýletinçiniň esasy maksady, ýaşulylarymyzyň ýüzünde mähirli ýylgyryşy görmekdi!  Öňki  aýdymlary bilelikde aýdanymyzda we olaryň bilýän filmlerinden sahnalary görkezenimizde, hemmeleriň gözünde parlak öwüşgin gördüm. Käbir meýletinçiler olar üçin çuňňur manyly ajaýyp goşgulary okadylar. Bu baýramçylyk diňe bir garrylary däl, eýsem hemmämizi begendirdi!      Garrylar öýüne baryp görmek birnäçe sagat dowam etdi, ýöne ondan galan aýdyň duýgular ýüregimizde hemişelik ýaşar.      Meniň pikirimçe, kimdir biriniň ýylgyrmagyna sebäp bolmakdan has uly bagt duýgusy ýok. Olar bilen wagt geçirmek buýsançlydy. Şeýle pursatlar mende  ajaýyp, rahat duýgulary galdyrdy. Meýletinçileriň biri hökmünde dünýäni hoşniýetlilik bilen gurşap almaga synanyşýan şeýle ajaýyp toparyň hataryna goşulandygym üçin özümi bagtly saýýaryn!“Jeýhun” Meýletinçiler merkezi