9-njy maý Yeňiş güni. Hakyky watan söýüjilige çagyrýan bu baýramçylyk Watana bolan çäksiz söýgüni, gaýduwsyzlygy we gahrymanlygy, jemgiýetimizdäki sazlaşygy we dost- doganlygy alamatlandyrýan milli baýramçylykdyr. Bu deňsiz - taýsyz  gahrymançylygy we janyny aýaman Beýik Watançylyk urşunda wepat bolanlaryň hatyrasyna  başymyzy aşak egip, ýurdumyzda galan weteranlaryna hormat goýulýan gündir.

Bu ähmiýetli wakanyň hormatyna, Türkmenistanyň Gyzyl Ýarymaý Milli jemgyýetiniň Balkan welaýat bölüminiň işgärleri welaýat weteranlary bilen duşuşyk geçirdiler we ýadygärlik galjak sowgatlary gowşurdylar.

Ýyldan ýyla weteranlarymyzyň sany azalsada, biziň olara bolan hormat- sylagymyz, minnetdarlygymyz azalmaýar. Olar biziň buýsanjymyz. Biz hemişe şu günki asuda asmanymyzyň bardygyna minnetderlygymyzy bildirip gezeris.