2025-nji ýylyň aprel aýynyň 4-ne TGÝMJ-niň Merkezi edarasynyň mejlisler zalynda jemgyýetiň tertipnamasyna laýyklykda nobatdaky 10-njy Merkezi geňeşi geçirildi.Türkmenistanyň Gyzyl Ýarymaý Milli jemgyýetiniň 2025-nji ýyl üçin ylalaşylan taslamalaryny tassyklamak hakynda karar kabul edildi.
Günüň ikinji ýarymynda TGÝMJ-niň Merkezi edarasynynyň, Arkadag şäheri we welaýat bölümleriniň başlyklarynyň hünärmenleriniň gatnaşmagynda ýylyň birinji çärýegi boýunça 2025-nji ýylyň iş meýilnamasy esasynda, ýerine-ýetirlen işleriň hasabaty diňlenildi. 2025-nji ýylyň 2-nji çärýegi boýunça edilmeli işler barada etrap we şäherçelerde wagyz etmek, ýaşlaryň arasynda terbiýeçilik işlerini güýçlendirmek, olaryň watansöýüjilik, milli däp-dessurlara wepalylyk, maşgala gymmatlyklaryna ygrarlylyk ruhunda terbiýelenmegini gazanmak, aň-bilim mümkinçiliklerini ösdürmek ýaly wagyz-nesihat işlerini güýçlendirmek barada we jemgyýetiň öňde duran birnäçe soraglary barada maslahatlaşyldy. Şeýle hem duşuşygyň dowamynda 2025-nji “Halkara parahatçylyk we ynanyşmak” ýylynda Bitaraplygyň 30-ýyllygy mynasybetli geçiriljek birnäçe çäreler barada aýdylyp geçildi. BMG-niň Baş Assambleýasynyň 79-njy sessiýasynda kabul edilen “Türkmenistanyň hemişelik Bitaraplygy” atly kararnamasynyň kabul edilmegi barada buýsançly çykyşlar boldy.
Duşuşygyň ahyrynda halkymyzyň sagdyn durmuşda, bagtyýarlykda ýaşamagy üçin atalyk aladalaryny edýän bizi şeýle bagtly, ajap döwürde ýaşadýan Gahryman Arkadagymyza, Arkadagly Gahryman Serdarymyza alkyş sözleri aýdyldy.
