2024-nji ýylyň noýabr aýynda Daşoguz welaýatynyň 25-29-36-njy mekdeplerinde ÝUNISEF we TGÝMJ tarapyndan intensiw okuw-amaly sapaklary geçirildi.

Çäreler okuwçylary we mugallymlary ýer titreme döwründe özüňi alyp barmagyň kadalary we ilkinji kömegiň berlişi bilen tanyşdyrmak maksady bilen guraldy. Gatnaşyjylar nazary bilim almak bilen çäklenmän, eýsem olar binany howpsuz terk etmegi we ilkinji kömegi bermegi iş ýüzünde berkitdiler.

Seýsmiki işjeňlik biziň sebitimiziň aýratynlygy bolup durýanlygy üçin, adatdan daşary ýagdaýlarda özüňi nähili alyp barmagy öwrenmek örän wajyp bolup durýar. Çäreler okuw sapaklaryny we amaly türgenleşikleri öz içine aldy. Çärä gatnaşyjylar ýer titremeleriň ýüze çykmagynyň sebäpleri, ýer titreme hadysasy wagtynda hereketleriň yzygiderligi we ilkinji kömegiň berliş düzgünleri bilen tanyşdylar. Okuw-amaly sapaklara mekdeplerden jemi 145 okuwçylardyr mugallymlar gatnaşdylar.

TGÝMJ mundan beýläk hem şu görnüşdäki işlerini dowam edip, çäreleriň çäklerini giňeltmegi we okuw usulyýetini ösdürmegi meýilleşdirýär.