Türkmenistanyň Gyzyl Ýarymaý Milli Jemgyýetiniň Ahal welaýat bölüminiň, Saglygy goraýyş we durmuş üpjünçilik bölüminiň hünärmenleri tarapyndan, "Saglyk" Döwlet maksatnamasyna esaslanyp, ilatyň arasynda keselleriň öňüni almak we adamlaryň kesellere garşy göreşmek ukybyny ýokarlandyrmak, ýokanç we ýokanç däl kesellere, zyýanly endiklere  garşy  göreşmek maksady bilen, talyp ýaşlaryň, mugallymaryň arasynda okuw sapagy geçirildi. Sagdyn durmuş ýörelgesi baradaky düşünjäni köpçüligiň aňynda berk ornaşdyrmak maksady bilen geçirilýän wagyz-nesihat işleri ilatyň ömrüniň dowamlylygyny uzaltmaga, keselçiligiň derejesini peseltmäge, keselleriň ýaýramagynyň öňüni almaga ýardam edýär.  Munyň özi döwletiň berk binýady bolan sagdyn jemgyýetiň kemala gelýändigine şaýatlyk edýär.