Türkmenistanyň Gyzyl Ýarymaý Milli Jemgyýetiniň merkezi ofisinde  AIDS, inçekesel, gyzzyrma kesellerine garşy göreşýän bütindünýä Gaznasynyň Ženewadaky ştab-kwartirasyndan gelen agzalarynyň gatnaşmagynda ýygnak geçirildi. Olar portfolio-menejeri Waleriýa Grişeçkina, halkara ekspertler Swetlana Nidzewska, Natali Maniç, Nino Mdiwani we Hanna Bolohowes.

TGÝMJ-niň hünärmenleriniň we halkara hünarmenleriň ýygnagynda Bütindünýä Gaznasynyň maliýe tarapyndan jogapkärçiliginde esaslanan inçekeseliň ýaýramagynyň öňüni almak we ýaýramagyna garşy çäreleri görmeklik babatda bilelikdäki taslamany durmuşa geçirmek meselelerine garaldy. 2010-njy ýyldan bäri hereket edip gelýän bu bilelikdäki taslamanyň Türkmenistanyň Saglygy Goraýyş we Derman Senagaty Ministrligi we BMGÖM bilen bir hatarda TGÝMJ hem agzalarynyň biridir şeýle-de ol Bütindünýä Gaznasynyň grantyna mynasyp bolmak bilen taslamany durmuşa geçirmekde Saglygy  Goraýyş we Derman Senagaty Ministrliginiň ýakyn arkadaşy bolup hyzmat edýär.