Türkmenistanyň Gyzyl Ýarymaý Milli jemgyýetiniň Ahal welaýat bölümi. Ýaş nesle köçe-ýol hereketiniň düzgünlerini düşündirmek.

Häzirki Bagtyýarlyk döwrümizde giň köçeler gurlup halkymyza ullanmaga berilýär.Parahat köçelerimizde elmydamа asudalygyň höküm sürmegi üçin alada etmek,biziň jemgyýetimiziň öňündäki raýatlyk borjumyzdyr.Türkmenistanyň Gyzyl Ýarymaý Milli jemgyýetiniň Ahal welaýat bölüminiň Sarahs etrap wekili şu aýdyň wezipelerden ugur alyp ösüp gelýän ýaş nesle köçe-ýol hereketiniň düzgünlerini düşündirmek,çagalaryň köpçülik ýerlerde tertip-düzgüni berjaý etmegi özleriniň endiklerine öwürmeklerini gazanmak maksatly örän derwaýys işleri ýerine ýetirýärler.Häzirki döwürde ýollarda ulag serişdeleriniň köplügi,köçe –ýol hereketiniň düzgünleriniň talaba laýyk berjaý edilmegini talap edýär.Çagalar baglarynda, orta mekdeplerde okuw-terbiýeçilik sapaklary döwlet syýasatyny durmuşa geçirmegiň çäklerinde sagdyn durmuş ýörelgelerini ,köçe –ýol hereketiniň düzgünlerini berjaý etmegi wagyz etmek maksady bilen geçirilýär.

Bizi şeýle asuda Watanda ýaşamaga mümkinçilik döredýän Hormatly Arkadagymyzyň we Arkadagly Serdarmyzyň janlary sag bolsun.Il-ýurt bähbitli alyp barýan tutumly işleri hemişe rowaçlyklara beslensin.