Tomus günlerinde çagalaryň howpsuzlygy ugrunda Daşoguz welaýatynda geçirilýän çäreler

TGÝMJ-niň Daşoguz welaýat bölüminiň hünärmenleri tomus möwsüminiň dowam edýän günlerinde Daşoguz welaýatynyň «Bagtyýar nesil» çagalar sagaldyş we dynç alyş merkezinde dynç alýan çagalar bilen möhüm wagyz-nesihat çärelerini geçirdiler. Bu çäreleriň esasy maksady – howanyň üýtgemegi sebäpli howanyň aşa gyzýan döwründe çagalaryň saglygyny goramak, olaryň howpsuzlygyny üpjün etmek boldy. Welaýat bölüminiň hünärmenleri çagalary günden goranyş usullary bilen tanyşdyrdylar: ýokary derejede gyzgynlykda köpräk arassa suw içmegiň, sowugyrak suwa düşmegiň, el-ýüzuñ ýuwmagyň peýdalary, öýden daşary çykanda hökmany suratda günden gorar ýaly kellelerine ýaglyk ýa-da yazda geýilýan papak geýmegiň we saýawan götermegiň zerurdygy çagalara düşündirildi. Çagalaryň gyzyklanma bilen diňlän bu wagyz-nesihat sapaklary olaryň gündelik durmuş endiklerine uly täsirini ýetirdi. Şeýle çäreleriň yzygiderli geçirilmegi bolsa geljekde ýaş nesliň sagdyn we habarly ösmegine öz goşandyny goşýar.