Gyzyl Ýarymaý Dänewde hem Farapda duşuşyk geçirdi.

Dänew etrabynyň 3-nji Farap etrabynyň 2-nji orta mekdeplerinde Türkmenistanyň Gyzyl Ýarymaý Milli jemgyýetiniň Lebap welaýat bölüminiň Çärjew, Dänew, Darganata, Farap etraplaryndaky wekili tarapyndan agzalýan etraplaryň ähli umumy bilim berýän orta mekdepleriniň mekdep müdirleriniň terbiýeçilik işleri boýunça orunbasarlarynyň gatnaşmagynda wagyz-nesihat duşuşygy geçirildi.

Bu duşuşyk Ýokanç we ýokanç däl kesellerini öňüne almak ynsan saglygyny goramak sagdyn durmuş ýörelgelerini hem-de Türkmenistanyň Gyzyl Ýarymaý Milli jemgyýetiniň döredilmegi bilen bagly wagyz etmek ýaly möhüm tutumlara bagyşlandy.

Duşuşykda jemgyýetiniň wekili giňişleýin çykyş etdi. Şeýle mazmunly duşuşyklary etraplardaky her bir mekdepde dowam etdirmek maslahat berildi. Çärä gatnaşyjylar çykyşy uly gyzyklanma bilen diňläp, geljegimiziň eýeleri bolan ýaş nesliň sagdyn ulalmagy üçin ellerinden gelen tagalalary etjekdiklerini aýtdylar. Şeýle duşuşyklaryň iňňän uly ähmiýetiniň bardygyny nygtadylar.