"Altyn Ýyldyz’’ atly döwrebap çagalar sagaldyş we dynç alyş merkezi

Häzirki sapaly tomus paslynyň dowam edýän ajaýyp günlerinde eziz Diýarymyzda nurana geljegimiziň eýeleri bolan ösüp barýan bagtyýar ýaş nesillerimiziň tomusky dynç alyş möwsümi gyzgalaňly dowam edip,ol şatlyk-şowhuna,ýatdan çykmajak ýakymly pursatlara beslenýär.

Ýaş nesilleri tomsuň ilkinji günlerinde ýurdumyzyň dürl künjeklerindäki köp sanly çagalar sagaldyş-dynç alyş merkezleri giňden gujak açyp garşylady.Ol ýerlerde dynç alyp,saglygyny berkidýän bagtyýar çagalaryň her gününiň manyly we gyzykly geçmegi üçin ähli şertler döredilendir. Aşgabat şäheriniň ‘’Altyn Ýyldyz’’ atly döwrebap çagalar sagaldyş we dynç alyş merkezi çagalaryň dynç alyş günlerini şadyýan geçirmekleri üçin ýokary derejede hyzmat edýär. TGÝMJ-niň hünärmenleri 2024-nji ýylyň 2-nji iýulynda çagalar sagaldyş we dynç alyş merkezinde dynç alýan çagalaryň arasynda,adatdan daşary ýagdaýlarda özüni alyp barmagyň düzgünleri,sagdyn iýmitlenmek,arassyçylyk düzgünleri,internet maglumatlaryny dogry ulanmak ýaly mowzuklardan wagyz-nesihat işleri geçirildi.