Gyzyl Haç we Gyzyl Ýarymaý jemgyýetleriniň 34-nji Halkara Maslahaty

29-31-nji oktýabr aralygynda Ženewanyň Halkara Maslahat Merkezinde Gyzyl Haç we Gyzyl Ýarymaý Halkara Hereketiniň iň ýokary dolandyryş edarasy bolan Halkara Maslahaty geçirilýär. Hereketiň geljek 4 ýyl üçin işini kesgitleýän degişli kararlar kabul ediler.

Maslahat ähli Gyzyl Haç we Gyzyl Ýarymaý Jemgyýetleriniň wekillerini, şeýle hem Halkara Gyzyl Haç Komitetiniň we Gyzyl Haç we Gyzyl Ýarymaý Jemgyýetleriniň Halkara Federasiýasynyň (GH we GÝJHF) wekillerini birleşdirýär. Forumyň esasy temalary şulardan ybarat:

1. Halkara ynsanperwer hukugyna hormat goýmagyň ähliumumy medeniýetine tarap;

2. Ýaragly çaknyşyklarda parahat ilaty we beýleki adamlary kiber we maglumat amallaryndan goramak;

3. Giňişleýin kanunlar, syýasatlar we meýilnamalar arkaly betbagtçylyk töwekgelçiligini dolandyrmagy güýçlendirmek;

4. Ýörelgeleýin ynsanperwerlik işinde durnuklylygy ýokarlandyrmak üçin ýerli derejede ýolbaşçylygy, mümkinçilikleri ösdürmegi we hyzmatlary hödürlemek;

5. Adamlary klimat we howa bilen baglanyşykly hadysalaryň täsirlerinden goramak: işjeň hereketleri güýçlendirmek üçin bilelikde işlemek.

Maslahatyň çäginde wekiller Hereketiň häzirki meselelerini ara alyp maslahatlaşmaga, biri-biri bilen aragatnaşyk saklamaga, ynsanperwer hyzmatdaşlygy pugtalandyrmaga we meýilnamadan daşary çärelere gatnaşmaga mümkinçilik alarlar.