Çagalar barada alada

Ýaşlar bilen iş alyp barmak Türkmenistanyň Gyzyl Ýarymaý Milli jemgyýetiniň köptaraply işinde aýratyn orun eýeleýär. Türkmenistanyň Prezidentiniň ýaşlary terbiýelemekde alyp barýan syýasatyndan ugur almak bilen, Jemgyýet häzirki zaman talaplarynyň esasynda ýaşlar bilen köptaraply işleri geçirýär. Her ýyl TGÝMJ-i çagalary tomusky dynç alyş merkezlerine ugradyp, olaryň Türkmenistan döwletimizde çagalar üçin döredilýän ähli eşretlerden peýdalanmaga mümkinçilik döredýär. Ynha, bu ýyl hem, TGÝMJ-i tarapyndan Aşgabat şäheriniň çäginde ýerleşýän mekdepleriň göreldeli, erjel we zehinli çagalary höweslendirmek maksady bilen, ýigrimi sany çagany Awazada ýerleşýän “Daýanç” çagalaryň sagaldyş-dynç alyş merkezine dynç almaga ugratdy. Çagalar özleri üçin döredilen bu mümkinçilik baradaky habary uly şowgun bilen garşy aldylar. 2017-nji ýylyň 15-nji iýulynda TGÝMJ-niň jokapkär işgärleri Aşgabat şäheriniň demir menzilinden çagalara ak ýol, saglyk we üstünlik arzuw edip, Türkmenistanyň milli syýahatçylyk zolagy bolan Awaza ugratdylar.