Ajaýyp döwrümizde  ýaş nesliň döwrebap hünär öwrenmegi, kämil bilim almagy üçin ähli mümkinçilikler döredilen. Bir okan kitabyňy iki-üç gezek okamak şol bir zady gaýtalamak däl. Bu öň düşünip bilmedik ýerleriňi gaýtadan özleşdirmäge şert döredýär. Şunuň bilen baglylykda, hünär tejribeligi hem nazary bilimleri gaýtalamak däl-de, öz ruhy dünýäňde, durmuşyňda täze-täze açyşlary etmekdir.

   Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary hünäriniň talyplary özleriniň bilimlerini berkitmek hem-de tejribe gazanmak maksady bilen TGÝMJ-ne 4 hepdelik önümçilik tejribeligini geçmäge geldiler.

   Tomusky önümçilik tejribeliginiň çäklerinde  talyplar üçin dürli tanyşdyryş, öwrediş çäreleri geçirilip, bu köp babatda nazary bilimleriň berkidilmegine, özbaşdak işlemegiň amaly tejribesini we başarnyklaryny ele almaga ýardam etdi. Önümçilik tejribesiniň guramaçylyk derejesi ýokary bolup, talyplar TGMÝJ-niň alyp barýan ýagny:“Türkmenistanda meýletinçiligi ösdürmek taslamasy”, “Lukmandan  deslapky ilkinji kömegi bermegiň endikleri”, “Milli jemgyýetiň ynsanperwerlik işinde kömekçi wezipesini goldamak”, "Adatdan daşary ýagdaýlara taýýarlygy üpjün etmek we olara jogap bermek boýunça ýerli we milli mümkinçilikleri  güýçlendirmek" atly birnaçe taslamaryň çärelerine gatnaşdylar. Şeýle çäreler talyplaryň hünär başarnyklaryny we ukyplaryny kämilleşdirmäge ýardam edýär, olaryň öz ýokary okuw mekdeplerinde alan tejribelerini we bilimlerini baýlaşdyrdylar. Şeýle hem talyplara “Adatdan daşary ýagdaýlar we tebigy betbagtçylyklar barada” maglumat beriş okuwlary geçirildi.

   Bu önümçilik tejribeligi talyplarda diňe bir nazary bilimlerini berkitmek bilen çäklenmän, eýsem, geljekde hünär taýdan üstrünlik gazanmaklary üçin möhüm ädim boldy.