26-njy mart. Türkmenistanyň Gyzyl Ýarymaý Milli jemgyýeti "Ynsanperwerlik ýoly" atly halkara maslahatyny geçirdi. Bu çäre Türkmenistanyň Garaşsyzlygynyň

35 ýyllygyna we TGÝMJ-niň 100 ýyllyk şanly senä mynasybetli bagyşlandy.

Halkara maslahata Türkmenistanyň Gyzyl Ýarymaý Milli jemgyýetiniň (TGÝMJ), Halkara Gyzyl Haç Komitetiniň we Gyzyl Haç hem-de Gyzyl Ýarymaý jemgyýetleriniň Halkara Federasiýasynyň Türkmenistandaky wekilhanalarynyň ýolbaşçylary gatnaşdylar.

Günüň maksatnamasy, myhmanhananyň kabulhanasynda görkezilen Türkmenistanyň Milli amaly-haşam  sungatynyň we suratlarynyň milli sergisine gezelenç bilen başlandy.

"Ynsanperwerlik ýoly" atly halkara maslahatyny  Türkmenistanyň Milli Gyzyl ýarymaý Milii jemgyýetiniň başlygy M.Açilowa açdy.

Maslahatyň dowamynda ýokary derejeli myhmanlaryň birnäçesi çykyş etdi, şol sanda:

-Halkara Gyzyl Haç Komitetiniň Prezidenti Mirýana Spolýariçiň çykyşy ( wideoaragatnaşyk arakaly);

-Gyzyl Haç we Gyzyl Ýarymaý jemgyýetleriniň Halkara Federasiýasynyň Prezidenti Keýt Forbsyň çykyşy ( wideoaragatnaşyk arkaly);

-Türk Gyzyl Ýarymaý jemgyýetiniň Prezidenti Fatma Meriç Ýilmazyň çykyşy ( wideoaragatnaşyk arkaly );

-Halkara Gyzyl Haç Komitetiniň Türkmenistandaky wekilhanasynyň ýolbaşçysy M.Rahmanowyň;

-Gyzyl Haç we Gyzyl Ýarymaý jemgyýetleriniň Halkara Federasiýasynyň Türkmenistandaky Jemgyýetçilik baglanyşygy we taslamalar boýunça utgaşdyryjysy A.Gapbarowyň çykyşy;

-Türk Gyzyl Ýarymaý jemgyýetiniň Gözegçilik Geňeşiniň agzasy Nur Çetiniň çykyşy;

Şeýle hem Türkmenistanyň Gyzyl Ýarymaý Milli jemgyýetiniň Arkadag şäheriniň bölüm başlygynyň we  welaýat bölümleriniň başlyklarynyň çykyşlary diňlenildi.

Maksatnamanyň çäginde “Ynsanperwerlik ýoly” wideoýazgysy  görkezildi.

Türkmenistanyň Gyzyl Ýarymaý Milli jemgyýeti  (TGÝMJ) Türkmenistanyň iň gadymy jemgyýetçilik guramalarynyň biridir.

       «Garaşsyz, baky Bitarap Türkmenistan — bedew batly at-myradyň mekany» ýylynda jemgyýet ýüz ýyllygyny belledi. Geçen ýyllaryň dowamynda köp işleri edildi,  we  geljekde özüne birnaçe meseleleri maksat edindi. Jemgyýetiň işgärleriniň we meýletinçileriniň ýörelgeleri  rehimdarlyk, hoşniýetlilik we ynsanperwerlik ýörelgeleri üýtgewsiz galdy. Ynsanperwerlik diňe bir abstrakt düşünje däl, eýsem asyrlaryň dowamynda iň kyn kynçylyklary: uruşlary, betbagtçylyklary we krizisleri ýeňip geçmäge adamzada kömek eden janly güýçdür. Türkmenistanyň Gyzyl Ýarymaý Milli jemgyýeti  tarapyndan geçirilen "Ynsanperwerligiň ýollary" atly halkara maslahaty ýönekeý, ýöne aýdyň bir ýörelgäni nygtaýar: ynsanperwerlik we rehimdarlyk ýoluny saýlanymyzda, has uly mähirlilik, adalatlylyk we umyt bilen geljegi gurýarys.